Ulfa-I züngsem ka bendanga agütsüogo

Guwahati, June 5 (agencies): Ulfa (Independent) nung züngsem Ron Asom Deobarnü Dispur yimti police matsüngdang bendanga agütsüogo.
Assam police osang ka ajanga ashiba agi, telungpursangya shirangba ajanga iba telok toktsü. Ron ya Nalbari district kübok Tamulpur tesem nungi lir aser maneni bushisüngdangtsü atema pa special bureau ka nem agütsüogo.
“Pa iba telok nung 2011 dena liasü aser Nagaland nung par telok indang camp nung lia liasü. Pa iba tesem nung longren ka nungi tsüka yiruba nungi temang mejungi aküm,” ta osang ajanga metetdaktsü.
Kasa mapang nung Noonmati police-i totzü shibelener ana puogo. Shibelener ana ya Noonia aser Sanjay Ghosh ta jangjaogo aser tena ya jila nung diesel totzü shibelenba nung shilem agiba atema aija apu.