ULFA lennir den yariteper ka Meghalaya nung apu

Tura, September 21 (Agencies): United Liberation Front of Asom (ULFA) tanishir Dristhi Rajkhowa den tesentaktep tajung alir Bangladesh nunger ka Bodbarnü Meghalaya nung apu, ta ketdangser kati ashi.
Meghalaya kübok West Garo Hills district nung Peramisom Marak ji Kachhuadogri tesem nung apu, ta Border Security Force (BSF) otongdar, Sushil Kumar Singh-i osangbenertem dang ashi.
BSF sepaitemisa pa ket nung .9 mm pistol ka, .9 mm magazine ana aser injangtem den Bangladesh nunger SIM card enoka aliba mobile phone ka apu, ta paisa ashi.
“Marak-i küm asem tashi Bangladesh nung ULFA den külemi mapa inyaka aruba aser pa ULFA deputy chief, Rajkhowa den tesentaktep tajung aliba kuli süogo” ta Singh-isa metetdaktsü.
Marak-isa Garo Hills adena Bangladesh nungi prangpong-injang shibelenba aser Bangladesh kübok Badagazni yimtsüng nung ULFA züngsemtem India-Bangladesh arrtsü adena senzütsü atema yaritepba nangzükogo, ta pai ashi.
Meghalaya-i Bangladesh linük den kilometer 443 arrtsüa alir aser tesem teimbaka atsü matsüdangi lir.
“Arrtsü anasa aliba tesemtem nung ULFA den yaritepba India sensotem onoki bushir” ta BSF ketdangserisa ashi.
BSF-i Marak ji Meghalaya Police ket nung agütsüogo.