ULFA tongti, Paresh Baruah tetsü süogo

Guwahati, October 01 (Agencies): Brihostibar nü ULFA tongti lenir, Paresh Baruah tetsü, Miliki Baruah Dibrugarh district, Jeraigaon nung lar kidang süogo. La arishi küm 88 liasü.
Taoba ita Assam Chief Minister Tarun Gogoi-i la temang anepalutsü atema sen lakh ka agütsü saka Paresh Baruah tetsüi ibaji magizüki, iba senji state nung tzümetsüng agi kongshir alir timtemer nem agüjang, ta shia liasü.
September 17, 2015 nü Dibrugarh nung aliba hospital ka nung osangbenertem den jembidang Miliki Baruah-i, “Ni iba senji maginer. Ni temang tamajungba akumer aser joko mapang talangka malitsü. Sorkari iba senji Assam nung tzümetsüng lendong ajurur mesüra nüngdaka alir kar nem ang agütsütsüla,” ta shia liasü. .
Gogoi-isa ULFA tongti lenir dang, pai tetsü ajurunüra pa atema mera agitsü ta shia liasü.
Miliki ya Jeraigaon nung lar jabaso ka den telitak liasü, aser lai taoba mapang Assam sorkar dang ULFA-i akhangbatemji o lemtep ajanga telatetba tajung ka dangi arudaktsüner ta aiben mepishia liasü.