ULFA(I) aser NDFB-i ozüng alema inyakba ya tebilemtsü lir: Home Ministry

May 16, 2017 (Agencies): Union Home Minister Rajnath Singh-i northeast nung temzüng ozüng dak sendakba nung tebilemtsütem asadangogo.
Osang ajanga ashiba agi, United Liberation Front of Asom (ULFA) (I) aser NDFB puri ozüng alema inyakba maparen balala tali asentenshir inyakba ajanga home ministry tali tebilemtsü akar. Home ministry ajanga maneni northeast nung telungpurtem aser China na tesendaktep reprangshitsü.
National Security Agency (NSA) aser state home secretary tem den senden nung north-eastern state tem nungi Director General of Police (DGPs) aser chief secretary tem dena shilem agidar.