UN Human Rights Council nung India züngsem

New Delhi, Mongputeni (October) 12 (Agencies): Hokolbarnü India-i United Nations nung Human Rights Council züngsem akümtsü takok nguogo. Iba ya January 1, 2019 nungi tenzüker küm asem kümsük atema lir.
Asia-Pacific telemsa nung India-i vote 188 angu.
UN Human Rights Council (UNHRC) nung züngsem akümtsü atema elections ji United Nations nung agi aser UN General Assembly nung züngsem 193-i shilem agi.
Iba elections nung züngsem tasen 18 tashi secret ballot ajanga shimtet. Council nung züngsem akümtsü atema linük kati votes 97 nüngdaker.
Asia Pacific telemsa nung India-i Bahrain, Bangladesh, Fiji aser Philippines den toktep.

You must be logged in to post a comment Login