UN-i Kashmir tensa maneni reprangtsü: Ban-ki Moon

Washington, August 02 (Agencies): Tanü United Nations (UN)-i, parnoki maneni Kashmir tensa reprangtsü, ta shiogo.
United Nations-i maneni India aser Pakistan naprong dang Kashmir onük bentettsü atema tangatetba tajung nung inyaktsüla, ta shiogo.
“Iba onük atema tangatettep tajung nung inyaktsü asoshi United Nations-i maneni lepshia anaprong (India aser Pakistan) dang shiogo. Onoki monitoring group, UN Military Observers Group in India & Pakistan (UNMOGIP) ajanga iba tensa reprangtsü,” ta UN Secretary General, Ban Ki-moon’er deputy otongdar, Farhan Haq-i ashi.
Kashmir nung sepaitemi Hizbul Mujahideen commander, Burhan Wani tepsetba sülen Kashmir nunger anogo aika longkak aita tensa mejungi akumba dak sentakba nung Pakistan nunger osangbener kati asüngdangba langzüdang Farhan-i iba osang metetdakja liasü.