UN nung Patel & Sikh nungeri Modi anema lungkak ait

United Nations, September 26 (Agencies): Tanü UN senden nung Ato kilonser Narendra Modi-i ‘Sustainable Development’ onük nung jembiba mapang Sikh nunger telok ka aser Patidar kin pusemertemi UN headquarters kima pa anema lungkak aitogo.
‘Sikhs for Justice’ yimyim nung Sikh nunger 200 dak temai, Punjab nung meimchir temeten anema inyaker ta shia Khalistan balaka razüka aotsü atema 2020 küm vote agiteptsü atema takhangba agütsü.
Lungkak aitertem jagi India anemba aser Modi anema yimyim ayim aser parnok takhangba ataloktsütsü atema alima tentet tuluba, UN dang khangogo.
Hokolbar nü SFJ lenir Bakhshish Singh Sandhu-i, “Khristan tem, Sikh aser Muslim nüburtem anema temzüng alema inyakba jenti lir,” ta shiogo.
Ano tesem ka nung lungkak aiter Gujarat nungi Patidar züngsem Anil Patel-i, “Police-i taochi meketi tashiyim amshiba atema onoki ochi temeten aginer. Tang lanur 4,000 tashi police ket nung lir. Tai maketertem dak police-i mejungi benshiba atalokogo. Iba atema tang tashi police ketdangsertem nem temerenshi magütsü,” ta ashi.