United Nations, October 13 (Agencies): Brihostibarnü züngsem 193 aliba United Nations General Assembly-i taoba mapang Portugal Ato kilonser, Antonio Guterres UN Secretary General menden atema shimogo; pai 2017 January 1 nungi tenzüka küm pongu inyaktsü.
Arishi küm 67 Guterres-i South Korea nungi Ban Ki-Moon (72) melentsü. Ban-i UN Secretary General kümsük anaben tashi inyakba sülen 2016 küm tatemlen anisüngzüktsü.
Guterres ya 1995 nungi 2002 küm tashi Portugal Ato kilonser inyak aser 2005 küm nungi 2015 küm tashi United Nations High Commissioner for Refugees inyaka liasü.
Taoba hopta UN Security Council-i vote agütsütepa United Nations tongti menden atema Guterres shima liasü aser tanü UNGA-ia pa shimogo.
Alima nung tang Syria linük nung rara, refugee tebilemtsü aser South Sudan o Yemen linüktem nung rara tulu adoktsüsa aliba tensa ka nung pai iba menden agizüktsü.
You must be logged in to post a comment Login