UN university atema state sorkar nungi telangzüba atar

Guwahati, October 16 (Agencies): Indian Federation of United Nations Associations-i Assam state sorkar dang United Nations University ka amenoktsü atema temepishiba shidi züluogo, aser iba university-ji amenokra alima nung iba ama rejuji Tokyo sülen tanabuba asütsü.
UN Associations, Assam secretary General, Aswini Sarma-i, university ji Guwahati mesüra Shillong nung amenoktsü, ta ashi.
Sarma-isa, Assam sorkar dang nungi telangzüba atadar, ta shisem.
“Onoki 2014 küm sorkar dangi shidi zülu aser taküm August ita nunga züluogo. Ano onoki telangzüba mangu. Meghalaya sorkaribo onok em telangzüba agütsüogo,” ta Honibarnü Darma-i Guewahati nung osangbenertem dang ashi.
Iba university nung arts, social science, management, science courses aser graduation, postgraduation den research level nung UN studies agütsütsü.