Unger Baptist Arogo nung kenten tetoktepba liasü

Dimapur, October 10 (TYO): October 8, 2017 nikongdang 5:30 ako nungi tenzüka Unger Baptist Arogo Youth Ministry temi ayongzüka Area Youth Ministry Octet Hymnal Competition agiogo.
Iba tetoktepba ya “Witnessing Oneness in Christ Through Music” omen nung ajemdaker Osang Tajung Ao ken kaket No. 270 ken toktepa liasü.
Iba sentong nung Mr. Imliakum C. Advocate Special Guest liasü aser ABAM nungi Youth Secretary Mr. Toshi Sanglir dena arua lanurtem dang tajungshiba O tajung aika agütsü.
Sentong nung Chuchuyimlang Town Baptist Arogo Youth Ministry-i praise & worship kanga junga agia liasü.
Arogo 5 nungi iba tetoktepba nung shilem agi- Chuchuyimlang B/A, YM, Mongsenyimti Compound B/A, YM, Longchara B/A, YM, Yaongyimsen B/A, YM & Unger B/A, YM aser mezungbuba jenjangji Chuchuyimlang Baptist Arogo YM-i angu aser tanabuba jenjang Yaongyimsen Baptist Arogo YM -i ngua liasü.
Iba sentong takok ngua agitetba asoshi sentong nung shilem agirtem ajak dang kanga pelar aser Tsüngrem tenüng asanger ta UBA Youth Director Purchila-i sangdong ka nung metetdaktsü.