Unger nung Volleyball Tournament ayonger

Dimapur, December 09 (TYO): Unger Kaketshir Telungjem (UKT)-i ayonger külen Unger yimtsüng nung volleyball asayamong ka tan December ita 22-23 nü tashi asayatsü renema lir.
“Langpangkong area nung densemba yimtsüng aser jila nung tentetba teloktemi dang iba asayamong nung shilem agitettsü,” ta shia, tejangrartemi iba asayamong nung shilem agitsü tayongzükba olen ka asayamong tayongeri tanü sangdong ka ajanga metetdaktsüogo.
Tan asayamong nung 1 buba aser 2 buba jenjang anguba telok na nem senpet sen 15,000 aser 10,000 agütsü renemba den külemi, individual shilem nunga Player of the Tournament sempet agütsütsü renema lir.
Telok shia nungi shilem agitsü taa sen 1,500 agitsü aser telok shiai tan asayamong nung shilem agitsü shiti tan December ita 19 nü tashi nung tayonger ket tongtsütsü metetdaktsüogo.
Tan asayamong den sentakba osangtsüsang tali jangjashitsü jangrartemi phone no. 8974850988/9862722918 ajanga tongteprateptsü akok.