Unger Volleyball asayamong thinener

Dimapur, October 28 (TYO): Unger Baptist Church Youth Ministry-i Unger Volleyball asayamong thinenba osang ka tanü sangdong ka ajanga metetdaktsüogo.
Mokokchung kübok Unger yimtsüng nung Volleyball asayamongji taruba November ita 4-5 nü tashi asayatsü asoshi mezüngbo ayonga liasü saka koda masüba timtem kar ajuruba ajanga asayamongji thinentsüsa akümba olen ka tayongeri metetdaktsüogo.
Asayamong asayatsü mapang latetba sülen kasaji osangkakettem nung adoktsütsü renemba olen ka parnokisa metetdakja liasü.