Unger Volleyball nung shilem agitsü mapang atsüshir

Dimapur, October 22 (TYO): Taruba November ita 4-5 nü tashi Mokokchung kübok Unger yimtsüng nung asayatsü ayongba volleyball asayamong nung shilem agitsü atema tenüng benoktsü mapang atsüshiba osang ka tayonger, Unger Baptist Church Youth Ministry-i tanü sangdong ka ajanga metetdaktsüogo.
Asayamong nung shilem agitsü jangrartemi pei telok tenüng temonoba agi tan October ita 31 nü tashi nung benoktsü atema mezüngbo metetdaktsü saka kasaji melenshia, tan October ita 25 nü tashi tang alitsü renemshiogo.
Iba asayamong den sentakba osangtsüsang tali jangjashitsü jangrartemi Phone No. 8415960152 /9774169181 ajanga tongteprateptsü asoshi sangdong ajangasa metetdaktsüogo.