Ungma, Mkg aser Khensa yim likapuri Ao Senden nungiter

Mokokchung, Aug 24 (TYO): Ao Sendeni “Municipal Act, Section 120 Clause (a), a tax on land and building”, koba ozüng ajanga kibur li aser ki nung saru agitsü aser Municipal/Town Council nung tetsürtem atema shilem 33% wazüka yutsütsü ta benokbaji magiin tashi, iba Municipal Act maparen anemtsü ta koba terenemba takang ka sangdongogo, iba nungji Ungma, Mokokchung aser Khensa yim likapuria nungiter, ta Landowners Board Mokokchung (LBM), mendenbuba aser tezülur Imtisungkum Png aser S. Bur Lkr nati külem sangdong ka ajanga metetdaktsüogo.
Tamalen ibala inyaksangshi anema nütsüng nübur ajak külem süa noktakba ajanga takok ngua aruogo, saka tanü ano kasa maparen ajanga asen sobaliba aser nübur temeten raksaja iba municipal act benoktsü inyaksangshia aotsü asalentongba angashia, Ao Sendeni iba maparen anema terenemba takang koba agiogo, iba nungji külem wadang ka süa nungiter, ta LBM-isa metetdaktsü.