Ungma nung 28 buba World Aids Day amungtsü

Dimapur, November 29 (TYO) : HIV/AIDS dak sendakba teloktemi Ungma Baptist Arogo, Youth Ministry den yaritepa December 1 nü 28 buba World Aids Day amungtsü.
Iba sentong ya Babu-Tzubu Amphitheater, Ungma nung anepdang 11:00 ako nung tenzüktsü.
28 buba World Aids Day sentong ya NMP+, DAPCU, C&SS, CCC, Guardian Angel, MUN, Grace Society Changtongya, aser ICTC – IMDH nungeri Youth Ministry, UBA den yaritepa ayongzüker aser NSACS-i teyari agütsür.
Sentong nung PD-NMP+, T Temsu Jamir, NMP+ Tiasenla aser MUN Lanu nungeri o jembitsü aser Young Women Christian Association, Mokokchung o Red Ribbon Club, Mkg ajanga ken atentsü.
Sentong nungsa Ungma Baptist Arogo Sannüker, Rev Dr Noklen-i PLHIV atema sarasademtsütsü.