Ungma nung Children’s Day amung

Ungma, Nov 14 (TYO): Anganwati Ungma-i tanurtem atema ‘Children’s Day’ sentong tajung ka Ungma yimkong kilem nung ayongzüka mungogo.
Tanü iba sentong nung Ungma Anganwati kübok centre 11 (terka) nungi ketdangsür aser tanurtemi kenten menü den shilem tapu balala ia sayua kanga pelatepa liasü.
Tanü iba sentong nung yimsüsür Wb. L. Imli Imsong (tatar)-i mapang tatsüka agia jembidang, India nunger mezüng prime minister Jawaharlal Nehru-i tanurtem kanga meima nung, pa asoba anogo nü India lima ajunga nung Children’s Day ya amunger, aser ibai tongtibangsa tanurtem jenjang ajungkettsütsü nükjidong yur munga arur, ta ashi. Aji oda, tanurtem ajaki Anganwati tesayurtemi kechisa sayudir iba nungji tashi anga anitaktsü, pai ayongzük.
Ungma Anganwati centre ajak nungi ketdangsürtem den Ungma putu yimsüsürtem aser ano department nungia ketdangsürtem densema sentong kanga meraketa agia liasü.