Ungma nung Financial Literacy Camp (FLC) agi

Dimapur, March 27 (TYO) : March 26, 2016 nü Ungma yimtsüng nung anogo ka Financial Literacy Camp (FLC) ayongzüka agi.
Iba sentong ya Care and Support Society, Mokokchung-i Nagaland State Cooperative Bank Ltd. den yaritepa ayongzük aser FIF kübok NABARD-i teyari agütsü.
Sentong nung Care and Support Society Managing Director, Imchawati Kichu menden liasü, Ungma Village Council Chairman, I. Alem Imsong-i tesentepertem pela agizük aser NABARD DDM, S. Amarjit Mangang-i FLC indang teratet metetdaktsü.
Amarjit-isa, iba maparen nung NABARD-i shilem agiba den NABARD-i district nung infrastructure yangluba osang aser Farmers Club, SHG o JLG Programme indang osangtem metetdaktsü.
Sentong nung NSCB, Mokokchung Assistant Branch Manager, FLC in-charge Temsulepden Imchen-ia of banking, savings, financial planning aser bank-i teyari agütsübatem indang osang metetdaktsü. Iba sentong nung nisung 75 aden.