Ungma yimtak auer ana apu; ka bushir

Mokokchung, Jan 18 (TYO): Jan 7, 2017 ayaterm nung Sema nunger nisung asem; Kitto Zhimomi (S/o Lughavi Zhimomi of Keltomi Village), Mughato Yeptho (S/o Hoshevi Yeptho of Keltomi Village) aser Hito Awomi (S/o Xukivi Awomi of Keltomi Village), parnoki Ungma yimtsüng nungi motor cycle ka auyar oyaa lia parnok rongnung nisung ana pua aru (Mughato & Hito na) ta Ungma Imlang sangdong ka ajanga metetdaktsü.
Iba auyaba dak sentakba kenoji 11th Jan 2017 nü Ungma Imlang salang nung agia parnok dak alang ak kaka senchi chiogo. Saka parnok asem rongnung Kitto-ji maliba ajanga parnoki bener aruba motor cycle sota ayu aser anogo terok (6) tsüngda motor cycle kaket den Kitto-ji anir arung ta atasa. Saka auersangjia maru aser kaketjia magütsütet nung Mokokchung Police nem bendanga agütsüogo, ta parnokisa metetdaktsü.
Auyaba motor cycle-ji Bajaj Pulsar, Engine No-DJGBSE-80052, Chasis No- MD2DROJZZSCE 62968 liasü. Parnok rongnungi Head GB-i anir arua tenangzüktep agia ayuba kuli ajak yua aliba kasa osang ajangasa metetdaktsü.