Unified Juniors-i 1buba Peli Sekrenyi penalty shoot out kokogo

Kohima, Metsüremi/March 23 (TYO): Peli No. 15, L. Khel, Kohima Village akhüm nung 1buba Peli Sekrenyi penalty shoot-out TM School Ground nung tanü asayaogo. Iba penalty shoot-out ya Unified Juniors team-i koka liasü.
Iba asaya akokba sülen Unified Juniors pur nem senpet sen 10,000 agütsüogo koba Thinuokhrielie Yaotsu-i sponsor asü aser iba den running trophy ka agizükogo, koba Ruokuosezo Vizo-i sponsor asü.
Tanabuba jenjang nung Peli No 15 pur liasü, aser Kelhouneizo Yhome-i sponsor süa parnok nem senpet sen 7,000 agütsü.
Kasa mapang nung Unified Juniors nungi asayar Dziesekhrielie Tseikha nem best goal keeper award agütsü aser iba den senpet sen 2000 agütsü, koba Neirheituolie Vizo aser Kepelhoutuo Yhome nati sponsor süa liasü.
Iba asayamung nung team ajak agi team 32-i shilem agia liasü.
Asayamung lapokba sentong ya Khriesazo Liezietsu lenisüba kübok aka aser Lhisemia Youth Organization (LYO) general secretary Kekhrielelie Tseikha-i o tatsüka jembi.
Neingusalie Khruomo asaya comper asü aser tepela anküp o Viketoulie Linyü-i jembi.
Asayamung ayongertemi ashiba agi, iba asayamung ya kümshia asayaba asayamung ka asütsü.