Union Baptist Church (UBC) Kohima-i ‘sales day’ ayongzüker

Kohima, September 07 (TYO): Union Baptist Church (UBC) Kohima-i tenla ki asütsü nüngtem nung September 9 nü Kohima Local Ground nung sales day ayongzüka lir. UBC sangdong ka ajanga metetdaktsüba agi, iba anogo nung ajaki alitettsüsa sen talang agi atsü nung adokba süngolemba, kidang yangluba cake aser amtsük, shi rangsaba nok, aonsotsü lensaba board, ausüng agi yangluba kioktsü, ausüng mejang, mimong (LPG aser süng atsükba naprong), local jang, shini, mamtsü, süngojok, tejangteri aser totzü ayoktsü. Ano külemi tawangba anshi, ajar, sausage, mapok am, süngjang takong, süngo den mayongtsü, chow, momo, puri, galho, sü shi, ak shi, an taküm, patak aser jangkok dena naro-a ayoktsü.

Iba den külemi mobile phones, computer, furniture, camera, süoshi, blankets & bed linen, kongki tapu balala, saisapong osettema ayoktsü, ta sangdong ajanga ashi.

Kasa sangdong ajanga, nikongdang 4:00 ako nungi Ao, Lotha aser Angami nungeri sorochiokba kibong ajak, kija mesüra lokti chiyutsüsa chiyungtsü tajung angutsü, ta metetdaktsü.