Union Budget anogo atsülangtsü mepishiba SC-i magizüker

New Delhi, January 23 (Agencies): State pongu nung assembly election agitsü aliba nung ajemdaker February 1 nungi Union Budget senden amentsü aliba anogo atsülangtsü atema temepishiba ka Supreme Court nung benoka liasü, ajisüaka tanü SC-i ibaji magizük.
Union Budget ajanga election agitsü aliba state tem nung Model Code of Conduct alema inyaktsü ta shia temepishiba ka benok ajisüaka Chief Justice J S Khehar aser Justice D Y Chandrachud nati akümba bench-i iba temepishibaji magizük.
“Union Budget benokba ajanga state elections nung vote agütsütsüpurtem kongshitsüsa mali,” ta Supreme Court-i ashi.
Advocate M L Sharma-i benokba PIL nungji, Centre dang financial year 2017-18 atema Union Budget ji February 1 nungi masü saka April 1 nü benoktsü tuyuang, ta shia lir.
Kasa PIL ajanga, “Elections metembang tashi teyari mesangdongtsü, programme aser financial budget mebenoktsü atema sorkar dang tuyuang, kechiyong iba jagi Model Code of Conduct alema inyaktsü, ta takhangba agütsü.
January 4 nü Election Commission-i state pongu nung Assembly elections agitsü atema anogotem sangdonga liasü.
Centre sorkari January 31 nü Parliament Budget Session akatsü aser February 1 nü Union budget benoktsü lemteta lir.