Union cabinet-i Arunachal nung PR agientsü benoker

New Delhi, February 17 (Agencies): Supreme Court (SC)-i Arunachal Pradesh nung sorkar tasen akümtsü memulungba sülen Bodhbarnü Union Cabinet-i state nung President’s Rule (PR) agientsü atema benokogo, ta osang angazüker.
February 15, 2016 nü Congress nungi mulungmesüi aliba MLA Kalikho Pul-i state Angh, Jyoti Prasad Rajkhowa ajurua mepetmesü adoka aliba state nung sorkar tasen akümtsü pusemba shidi ka agütsüba sülen Union Home Ministry-i Angh dang nungi osang ataa liasü, ta osang angazüker.
Shidi nungji Pul-i, state nung sorkar akumtsü atema Congress MLA 18, BJP MLA 11 aser Independent MLA anati nungiter, ta shia lir.
Mongolbarnü sangdong ka ajanga Congress atema jembitsür senior advocate, Kapil Sibal-i, sorkar akumtsü atema party anema apusor Congress MLA 14 densema MLA 32-i Angh ajuruogo, ta ashi.
Paisa, party anema apusor Congress MLA temji anentsüogo aser sorkar akumtsü atema telemtetba agitsü nung Angh ji sottsüla, ta ashi.
February 16 nü Congress-i Tir, Pranab Mukherjee ajurua pa dang Arunachal nung Pesident’s Rule agientsü atema sorkari akhangba magizükdaktsüer, ta mepishia liasü. Congress-isa, assembly nung taoba chief minister, Nabam Tuki majority liaka Arunachal Angh, JP Rajkhowa-i Congress nung melungmasür MLA ka Chief Minister kümdaktsüner, ta tai tonglokja lir.
Assembly menden 60 aliba state nung Congress MLA 47 nungi party dang melung masür MLA 21, BJP MLA 11 BJP aser Independent MLA anati assembly Speaker, Nabam Rebia anendaktsür Congress lenir Kalikho Pul Speaker shima Congress Chief Minister Nabam Tuki anendaktsüba sülen nungi state nung yimtenren tensa mejungi akum.