Union Health Minister-i tzümetsüng agi kongshir alirtem atema teyari agütsüba sentong lapoktsü

August 3, 2017 (Agencies): Assam, Manipur aser Gujarat nung tzümetsüng agi kongshir alirtem atema relief agütsütsü tenzükba sentong Union health minister J P Nadda-i tanü lapoktsüogo.
Pai ashibha agi, tzümetsüng agi kongshir alirtem tenüngdakba oset kecha agia sorkari anünga metoktsütsü
“Onoki tenüngdakba osettsüttem mezüngbuba shilem sen crore 3.15 alanga belenshiogo. Item osettem nung mozü, süoshi aser mosquito nets nunger amala densema lir aser tanabuba shilem onoki yakta yoktsü,” ta pai ashi.
Paisa ashiba agi, Assam, Manipur aser Gujarat nung Red Cross units ajanga parnok indang stock nungi relief osettem tzümetsüng agi kongshir alirtem nem lemtsüogo.
Maneni Indian Red Cross Society, National Headquarters nungi ajungben lendong nung teyari agütsütsü asoshi parnok ket nung aliba relief osettem belenshiogo aser iba nung mosquito nets, kitchen sets, tarpaulin pieces, towels, tebur atema dhoty aser tetsür atema sarees, cotton blankets, bed sheets aser bucket densema lir.
Minister of State (IC) for the Ministry of Development of North Eastern Region, Jitendra Singh-a iba sentong nung densema liasü.