Union minister Jual Oram Kangtsüng-i arutsü

Dimapur, April 24 (TYO): Taküm 2016 küm Kangtsüng yimtak Moatsü amongtsü sentong renema lir aser iba benjongmong sentong nung Union Tribal Affairs minister, Wb. Jual Oram tongti tesemdanger asütsü.
Centre nungi Union Minister arutettsüsa anepalutsüba atema BJP state Vice president Wb.Imsu Yaden aser Mokokchung BJP unit purtem ajak dang kanga pelaba osang Kangtsüng yimten ajanga metetdaktsüogo.
Iba Moatsümong sentong nung sensosanger aser teyaritepertem ajak arua adentsü pelashishia jaoker, ta Kangtsüng putu menden nung mendenbuba Wb.Tekamereni metetdaktsüogo.