Union Minister Kiren Rijiju takarba kümogo

Guwahati, March 26 (Agencies): 2014 küm Union Minister Kiren Rijiju indang ali aser ki sen lakh 9.5 shi alang liasü saka tang ibaji lakh 49 tongogo.
Arunachal West Lok Sabha menden atema nominations asüba anogo tatembangba nung Rijiju-i agütsüba affidavit nung iba osang shia lir.
Rijiju-i pa indang ali aser ki sen lakh 25 shi alang lir aser sen lakh 24 shi alang rongsenji pai senmang agizükba lir ta shia lir.
Maneni, ali aser ki dak alaka tanga rongsen sen lakh 46.55 nungi lakh 56.48 jungogo. Ajisüaka, pa kinungtsü indang rongsenbo sen lakh 68.32 nungi lakh 40.89 tashi ajema aküm, ta affidavit nungsa shia lir.
2014 nungbo Rijiju-i gari asem lir ta ashi aser anaji pa kinungtsü tenüng nung lir ta ashi saka takümbo gari asem indang osang kecha shia mali.
Taoba mapang paisa income aser income tax returns kecha mesayu saka takümbo pa indang annual income ji Rs 6,12,000 aser kinungtsü indang Rs 12,03,467 ta shia lir.
Rijiju ya 1995 küm Hansraj College nung graduate asü aser 1998 küm Delhi University nungi law degree agizük.
BJP lennir Kiren Rijiju-i 2014 küm Arunachal West Lok Sabha nungi takok angu. Iba election nung pai vote 43,738 agi Indian National Congress’ Takam Sanjoy madak takok angu.
Taküm elections nung Indian National Congress (INC)-i taoba Arunachal Pradesh chief minister Nabam Tuki Arunachal West Lok Sabha constituency nungi tokteptsü shima lir.