University tajungtiba 100 nung India nungibo university kata mali

New Delhi/London (Agencies): Alima nung University tajungtiba tarensen nung Massachusetts Institute of Technology maneni mezüngbuba jenjang nung lir aser alima nung University tajungtiba 100 tarensen nung Indian university bo kata maden.

University tajungtiba tarensen ya tanü Mongolbar nü sayaa liasü.

Quacquarelli Symonds’ (QS) tarensen ajanga sayuba agi, World University Rankings nung Indian university 14 densema lir aser item rongnungjagi tesadang ka ranking 400 nung densema lir.

Tang mezüng Indian university anati World University Rankings 200 tongtetba institute anaji Indian Institute of Science, Bangalore (Ranking 147) aser Indian Institute of Technology Delhi (ranking 179) buba nung lir.

Quacquarelli Symonds’ World Universities 2015/16 rankings nungsa Harvard University yaküm jenjang pezübuba nung aliba takümbo University of Cambridge ajangteta jenjang anabubai tuogo.

Iba tarensen  mezüngbuba jenjang nung Massachusetts Institute of Technology lir.

Yaküm Imperial College London jenjang anabuba nung liasü saka takümbo jenjang tibubai atsüngzüka luogo, iba den külemi University of Oxford aser UCL-a jenjang atsüngzüka aluogo.

Jenjang atsüngzüka luaka maneni UK ya world class higher education jenjang nungsa lir.

Iba tarensen nung London jenjang junga lir, kechiyong alima nung university tajungtiba 50 rongnung London nung aliba  university pezü densema lir.

World University Rankings top 50 rongnung Boston nungi university asem, New York nungi asem, Paris nungi ana aser Sydney, Hong Kong aser Beijing yimti nungia university ana-na densema lir.

Iba dak sentakba nung London Mayor, Boris Johnson-i, yimti nung aliba university tem tenüngsanga jembiba den külemi, “Iba yimti (London) ya alima nung shisaliok yimtiba lir,” ta ashi.