University temji tebilemba sademsadema jembiba tesem ka asütsüla: Pranab

Rajgir (Bihar), August 27, 2016: Honibarnü Rajgir nung Nalanda University mezüngbuba Convocation sentong nung Tir, Pranab Mukherjee-i kaketshir ka nem post graduate degree agütsüba noksa nung angur.

Rajgir (Bihar), August 27 (Agencies): Tanü Tir, Pranab Mukherjee-i, Universities aser temaba tazüngba rejutemji pei tebilemba sademsadema jembiba tesem asütsüla, aser o tokteptsü atema ajungshitsüla, ta metetdaktsü.
Tanü Bihar, Rajgir nung Nalanda University mezüngbuba convocation sentong nung jembidang Tiri,  küm noklangzüng 13buba mapang raksaba reju (Nalanda) nung küm 1,200 tangatetba ka, sobaliba ka aliba sayur, ta ashi.
“Dr Amartya Sen-i pa indang kaket ‘The Argumentative India’ nung o toktepba aser o lemtepbaji India nunger libaliro shilem ka lir, aser ibaji sendoktsü makok, ta ashibaji tim dang shiogo,” ta Tiri-isa ashi.
“Universities aser temaba kaket rejutemji o tokteptsü, o lemteptsü aser pei tebilembatem lemsateptsü atema sabang tajungtiba lir. Itemji ajungshitsüla,” ta paisa ashi.
“Akhidang aliba Nalanda University ji o toktepba aser o lemtepba ajanga nüngtugu akum,” ta pai ashi.
Iba sentong nung Tir, Mukherjee-i kaketshir ana nem gold medals agütsü aser kaketshir 12 nem post graduate degree agütsü.