Unrecognized sector nung mapa inyaker atema Special camp agitsü

Dimapur, Aenjeti 28 (TYO): Nagaland State Legal Service Authority aser NBOCW Welfare Board, Department of Labour, Nagaland nati Deputy Commissioner, Kohima aser Kohima District Legal Service Authority den longjemer unrecognized sector nung mapa inyaker nem Jakahama Village SDO Civil office nung Aenjeti 29 nü, Sechu Zubza SDO Civil office nung Aenjeti 30 nü aser Indra Gandhi Stadium nung Aenjeti 31, 2018 anogotem nung anepdang 9:00 ako nungi tenzüka Special camp ayongzüka katsütsü.
Kisü-jensür aser iba ama (Mason, Plumber, carpenters, electricians, painters) mapa inyakertem iba scheme kübok beneficiary akümtsü temsüa lir.
Kisü-jensür arishi küm 18 junger saka arishi küm 59 majung alirtem tenüng züluoktsü asoshi temsüa lir, ta sangdong ka ajanga ashi.
Iba atema registration agitsü asoshi Aadhar den sendaktepa aliba bank account pass book mezüng tapak (personal account) copy, birth certificate copy (migrant worker tem asoshi tasoba kulikaket ya pei tasoba tesem nungi lira melatsü), Aadhaar card copy, passport photo ana aser shidakba kisü-jensü mapa inyakba indang kulikaket tejangja agütsütsüla, ta kasa osang nung shia lir.
Registration agiba mapang registration fee sen 25 agütsütsü aser register asür shia sen 300 premium ama küm shia agütsütsü aser iba premium ya küm shia renew asütsü, ta kasa sangdong ajangasa metetdaktsü.