UNTABA-i lokti senden ayonger

Dimapur, October 19 (TYO): United Naga Tribes Association on Border Areas (UNTABA)-i arrtsü tebilemtsü atema lokti senden ka amentsü ayongzükogo.
Sendenji October 20, 2017 nikongdang 2:00 ako nung Tourist Lodge Conference Hall, Dimapur nung agitsü.
Senden nung adenertemi arrtsü tebilemtsü indang Detail Report, yimten telemtetba den arrtsü tebilemtsü latettsü takhangba agütsüba, Joint Boundary Commission nung ashishitep aketba onüktem aser okadak iba ken o benoka angadangtsü indang onüktem atema tebilembatem lemsateptsü mepishir, ta UNTABA mendenpurtem, Hukavi Yeputhomi aser T. Imsumongba Pongen nati sangdong ka nung metetdaktsü.