UNTABA senden Aug. 28 nü amentsü

Dimapur, August 20 (TYO): United Naga Tribes Association on Border Areas (UNTABA) Executive Committee senden ka Advisory Board züngsemtem den Hokolbar nü, August 28, 2015 nikongdang 1:00 ako nungi BOOKMARC Conference Hall nung amentsü, ta UNTABA General Secretary, Imsumongba Pongen-i sangdong ka ajanga metetdaktsüogo.
Iba senden nung, takaraba nung benoktsü aliba ‘Writ Petition’ aser arrtsülen aliba nüburtem asoshi o lemteptsü, anungji züngsem ajak medema arua senden nung dendaktsüner, ta kasa sangdong ajangasa metetdaktsü.