UP assembly election atema BSP-i candidate tenüng 100 sangdong

Lucknow, January 05 (Agencies): Uttar Pradesh nung taruba assembly election atema Brihostibarnü Bahujan Samaj Party (BSP)-i mezüngbuba shilem nung candidate tenüng 100 sangdongogo.
BSP-i sangdongba candidate rongnung party ticket 36 Muslim nunger nem agutsü, aser parnok rongnung Muzaffarnagar rara nung tai tonglokja alisang aser Charthaval constituency nungi MLA, Noor Saleem Rana-a densema lir.
Tamalen, BSP tongti, Mayawati-i, lar party-i tanga party den meloktepi party kijai tokteptsü, ta jembia lir.
Mongolbar anepdang Mayawati-i, taruba assembly election nung lar party-i Muslim nunger candidate 97 toktepdaktsütsü, iba den külemi upper castes nungi candidates 113, backward caste nungi candidates 106 aser dalits nunger candidate 87 toktepdaktsütsü, ta sangdonga liasü.
Yashi Election Commission-i Uttar Pradesh nung anogo tenet lemsar assembly constituency 403 nung election agitsü atema sangdonga liasü.
State nung election February 11 nü tenzüktsü aser March 8 nü tembangtsü.
March 11 nü votes azüngtsü.