UP election nung SP-i tangar den meloktepi tokteptsü: Mulayam

Lucknow, November 10 (Agencies): Brihostibarnü Samajwadi Party (SP) tongti, Mulayam Singh Yadav-i, sangküm Uttar Pradesh assembly election nung par party-i tangar den meloktepi tokteptsü, ajisüaka party kari danga SP den dennüra kishi lapokja dang lir, ta metetdaktsü.
Tanü Lucknow nung osangbenertem senden ka nung jembidang Mulayam-i, “(Party) National Convention nung lemtetba ama SP-i UP election atema tangar den melokteptsü,” ta metetdaktsü.
Mulayam’er jabaso aser chief minister, Akhilesh Yadav-i, taruba election nung SP-i majority angutsü aser tangar den lokteptsüji tezüba masü, ta jembiba sülen tanü Mulayam-ia iba o jembiogo.
UP CM Akhilesh-ia UP election atema tangar party den meloktepner.