UP elections nung candidate asem nungi ka anema ken o benoka lir

New Delhi, March 5 (Agencies) : Uttar Pradesh nung tang tagidak assembly elections nung candidate asem nung kabo ozüng alema mapa inyakba atema ken o benoka lir.
Tetsür tashiyim amshia raksatsüba, nisung tepsetba aser nisung apuba amala ken o tem nung parnok dak tai tonglokja lir. Maneni, UP nung candidate temi agütsüba affidavit ajanga parnok asem nungi kabo crorepati ta shia lir.
UP nung shilem tenet lemsar agiba elections March 8 nü tembangtsü.
Taküm assembly elections nung candidate ajak agi parnok 4,823 lir aser parnoki agütsüba affidavit nung candidate 859 anema ken o benoka lir aser 704 anema ken o tulu benoka lir ta shia lir, ta Uttar Pradesh Election Watch and Association for Democratic Reforms (ADR) osang ka ajanga metetdaktsü.
ECI website nung candidate 31 indang affidavit tejangja maliba ajanga mebushitet, ta ADR-isa ashi.
Shilem tenet lemsar agiba elections nung crorepati candidate 1,457 crorepati lir aser parnok indang rongsenji sen crore 1.91 shi asütsü ta bushitet, ta ADR-isa shisem.
ADR-i party sasep nung asadangba nung BSP nungi candidate 400 nungi 150 anema ozüng alema inyakba ken o benoka lir aser ibaji shilem 40 shi lir. Maneni, BJP candidate rongnungi shilem 36, SP candidate rongnungi shilem 37 aser Congress candidate tem rongnung shilem 32 lir.