UP Minister Chitranjan süogo

Lucknow, August 19 (Agencies): Uttar Pradesh nung asembenren MLA inyaker aser parliamentary affairs, minority welfare & urban development Minister, Chitranjan Swarup mapang talangka shiranga aliba sülen tanep Delhi nung aliba hospital ka nung alima nungi pilaogo.

Arishi küm 70 Swarup ya Muzaffarnagar nungi MLA teinyaktak liasü.

Iba dak sentakba nung Assembly nung MLA temi House nung minute ana ola madoki Swarup nem akhümtsübu agütsüba sülen tanü atema senden thinena liasü.

Swarup den mapang talangka külemi inyaksemer Parliamentary Affairs minister Azam Khan-i, “Taoba sorkar aser tan sorkar naprongla nung pa kü den külemi inyaksemogo. Pa ya ni asoshi nija tembar ka liasü, Jauhar University (Rampur) tenzükba nunga pai shilem tulu agiogo,” ta ashi.

Maneni opposition lenir Swami Prasad Maurya, BJP legislature party lenir Suresh Khanna aser Congress legislature party lenir Pradip Mathur nunger densema lenir aikati Swarup-i akümli mapang mapa tajung inyaka aliba atema nüngsanga jembiogo.

Samajwadi Party lenir, Swarup-i pa kinüngtsü Veena Swaroop den jabaso asem toktsür alima nungi pila.