UP nung Congress-i MLA trok anendaktsü

New Delhi, June 14 (Agencies) : Uttar Pradesh nung Rajya Sabha Election mapang pei party atema masü saka tangar party atema vote agütsüba (cross voting) ajanga Mongulbarnü Congress Party-i MLA trok mapa nungi anendaktsüogo.
Iba osang tejangja ya Congress lenir Janardan Dwivedi-i metetdaktsü.
Iba election nung congress-i meden trok angu aser cross voting asüba ajanga BJP-i aniba teloki menden 12 ngutet.
Tan Rajya Sabha Election nung ano menden aika nguteterji Samajwadi Party-a ka lir. State 27 senteper par teloki menden tenet tashi ngutet aser Bahujan Samaj Party-i menden ana ngutet.
Taküm mei nung Rajya Sabha nung menden 58 tashi azüngtet, tang tashi nung NDA-i menden 23 nguteta lir. Tesüiba mapang nungbo parnoki menden 18 ang nguteta liasü. Congress-i menden 15 sota liasü saka tangbo parnok ket nung menden 9 dak kümogo.