UP nung doctor temi yimtsüng nung mapa inyaktsü

Lucknow, September 23 (Agencies): MBBS graduates-i küm ana aser MD o MS azüngertemi küm ka atema yimtsüngtem nung mapa inyaktsüla ta Uttar Pradesh Chief Minister-i metetdaktsüogo.
“Uttar Pradesh nung aliba government medical colleges nungi MBBS degree ngua graduate asüba doctor temi higher studies moura, küm ana atema yimtsüngtem nung inyaktsüla,” ta Yogi Adityanath-i tanü ashi.
Maneni, MD aser MS azüngertemi yimtsüngtem nung küm ka mapa inyaktsü, ta paisa shisem.
Ayushman Bharat Diwas küm ka ajungba indang sentong ka nung o jembidang pai iba osang metetdaktsü.
“Doctor tem nem tenangzükba agidaktsütsü. MD aser MS azüngertemi yimtsüng nung küm ka inyaktsü aser shingaia parnok internship atema sorkar dang onük mabentsüla” ta Chief Minister Yogi-i ashi.