UP nung kaketshirtem atema Honibar nü ‘No Bag Day’ alitsü

Lucknow, May 13 (Agemcies): Uttar Pradesh nung BJP sorkari kaketshirtem indang khuret ajema kümdaktsütsü atema maparen ka inyaktsü telemtetba agiogo aser ibaji sorkar primary aser secondary school tem nung Honibarnü ‘no-bag’ indang lir.
Iba anogo nung kaketshirtem aser tesayurtem tsüngda tesentaktep akangshitsü atema extracurricular activities dang alitsü, ta Deputy Chief Minister, Dinesh Sharma-i metetdaktsü.
UP sorkarisa co-education nung temulung tali agütsütsü atema sentongtem renemdar. Parnoki secretary (basic education)-i aniba züngsem asemi akümba luden ka tentettsü aser iba luden jagi tesayurtem indang digital database ka renemtsü.
Iba digital database ya school ketdangsübaren nung ochimashi inyakyimtem agientsü, ta education department-i metetdaktsü.
Department-isa management committee nung mangatettep adokbatem district school inspector ajanga masü saka chit fund society nung registrar ajanga benntettsü atema telemtetba agiogo.
Iba atema Sharma-i Chief Secretary (Education) dang teinyaktsü latettsü aser hopta ka tsüngda pa ket nung agütsütsü tetuyuba agütsüogo.
State sorkarisa principal secretary dang census, election aser lendongtsüdong atalokdang yaritepba dak alia tesayurtem nem mapa talila meinyakdaktsütsü atema tetuyuba agütsüogo.