UP nung yipru ajanga nisung 12 asü

Lucknow, May 30 (Agencies): Uttar Pradesh nung tzünglu, yipru aser tsüngi ajanga tajemba agi nisung 12 süogo, ta Hombarnü ketdangser kati ashi.
Kanpur, Bilhaur tesem nung tatalokba balala nung nisung ana asü aser nisung ka Mau district nung asü, ta pai ashi.
Varanasi, Shivpur tesem nung yipru ajanga süngdong laodakja tebur ka asü aser Ramgaon tesem nung tzünglu den yipru ajanga ki chirepa tantsür ka asü, ta paisa ashi.
Deobar nüa Azamgarh kübok Hasandeeh yim nung school süngküm ka chirepa tanur ana asü. Farukkhabad nunga yipru ajanga tatalokba balala nung nisung pezü asü aser Mathura nung light süngzü tokdanga tsükba ajanga nisung ka puset.
Taruba ghonda 48 tashi maneni state tesem kar nungbo tzünglu arutsü, ta MeT office ketdangser kati metetdaktsüogo.