UP rong lendong nung nisung 22 asü

Lucknow, September 14 (Agencies): Brihostibarnep Uttar Pradesh kübok Baghpat nung aliba Yamuna ayong nung rong ka meküpba lendong nung aayanger 22 tashi süogo, ta ketdangsertem osang ka ajanga metetdaktsü.
Police aser Provincial Armed Constabulary (PAC) züngsemtemi tasümangtemji agitet aser kar kümzük, ta ketdangser kati metetdaktsü.
Nisung tali mendaktsüba ajanga rongji meküp, ta aija tejashi nung yimdaklirtemi gari lenmang mokdang aser gari kar rongdoktsü.
Lokti jagi tasümangtemji post mortem agitsü atema memelatsü ta shia magütsü, saka tesülen District Magistrate Bhawani Singh den ketdangsertemi telokji mesüzüka mangji meshi.
Yimdaklirtem jagi ashiba agi, aayangertemji Haryana-i aoerba liasü, aser rong meküpba mapang nung rong nungji nisung 60 liasü.
Iba osang angashia Uttar Pradesh Chief Minister, Yogi Adityanath-i mangyim osang lemsatepba den külemi asür kibongtem shia nem sen lakh anana teyari agütsütsü sangdongogo, ta Principal Secretary (Information), Awanish Kumar Awasthi-i metetdaktsü.