Upma Chowdhary

Lal Bahadur Shastri National Academy of Administration (LBSNAA), Mussoorie Director tasen, Upma Chowdhary shimogo. LBSNAA nung la 23buba director asütsü aser tetsürtem rongnungbo tang mezüngbuba director ji la asütsü. Lai Rajeev Kapoor melenzüktsü. Upma Chowdhary ya Himachal nungi 1983 batch IAS officer lir. Tang la Himachal Pradesh nung Additional Chief Secretary teinyakdak lir. La sorkar mapang nung IAS ketdangser ka ama küm 33 tenzüka arudang state aser Centre naprong nung inyaka aruogo.
LBSNAA ya 1959 küm IAS Training School, Delhi aser IAS Staff College, Shimla na lokteper Mussoorie, Uttarakhand nung National Academy of Administration ta ser tenzüka liasü.