Upper Signal public-i lemang yanglushi

Dimapur, January 05 (TYO): Dimapur yimti nung Signal Angami Village Auto Parking Char Ali Junction nungi tamalen lenmang kanga mejungi aliba Upper Signal nübortem longjemer temolunger tenla saruteper council-i longru tejaksa (broken bricks) load 15 (fifteen) agütsüba den cement, chips aser lisem amshia lenmang 1½ kilometer kanga junga yangluogo.
January 3 nungi January 5 tashi anogo asemnü anogoshia nisung 90 shi adenshia mapa inyak; Council ajanga teyari agütsüba den shirnoksa nübo aser rongsen tenlaogo ajak dang kangasa pelaba Upper Signal Elders tenüng nung Lepzuk, (G.B), Temjen Aier, L. Wati Jamir-i metetdaktsü.