Uranium asütsü ta temolung melemi bilemba oset seret 34 apu

Guwahati, September 26 (Agencies): Army aser police na senteper meita aoba mapang nung Nagaon district kübok Borkala tesem nung ki ka nungi ‘radio-active substance’ asütsü ta temolung melemi bilemba oset, seret 34 puogo.
Osang tejangja ka angazükba sülen Army Red Horn division aser police na senteper Mamoni Kaur’er ki meita aoba mapang nung parnoki uranium asütsü ta temolung melemi bilemba oset ya pua liasü.
Iba oset apuba sülen Mamoni Kaur den ano tangar ana; Apurba Das aser Jatin Das na dena pua lir.
Iba oset apuba sülen iba ya radio-active oset asü masü, aser kechi nüngdak nung amshitsü asoshi iba ya ayu, ibaji jangjatsü asoshi bushisüngdang tenzükogo.