‘Uri: The Surgical Strike’ film oshi asem nung yanglutsü

Aenjeti/January 21 (Agencies): Tawa box office nung takok tulu anguba film – ‘Uri: The Surgical Strike’ ya tanaben Tamil, Telugu aser Malayalam oshi nung yanglutsü atema osang metetdakja liasü.
Iba film ya taküm küm indang mezüng takok tulu anguba film ka kümogo; aser tang-a ‘Uri’ film ya box office nung atonga takok nguyonga odar aser film ya sen cr. 100 jenjangi aitsü ta critics-i asadangteta lir.
‘Uri’ producer, Ronnie Screwvala aser pa team ajunga indang ‘RSVP’ dangi south producer aikati call süa iba film parnok oshi nung yanglutsü atema mepishia liasü.
‘Uri: The Surgical Strike’ film ya 2016 küm Indian army-i Pakistan nung jenoka alir kiralongrartem makdokba indang otsü nung ajemdaker yanglua liasü.
Film nung tongti shilem agisang Vicky Kaushal dak alaka, iba film nung Yami Gautam, Paresh Rawal, Kirti Kulhari aser Mohit Raina nungeri shilem agiogo.
Iba film ya director Aditya Dhar lenisüba kübok yanglu aser Ronnie Screwvala-i produce süogo.