Uriah Heep telok lungjemer Russia nung ken atentsü

August 18, 2015: Rock kentener Ken Hensley aser Lee Kerslake na tesüiba mapang parnok telok ‘Uriah Heep’ den lungjemer Russia nung October ita ken atenba sentong ka ayongzüktsü bangjemogo.
Keyboard aser guitar atemer, Hensley-i par telok atema nüngtugu ken aika zülua liasü. Pa 1969 nungi 1980 tashi Uriah Heep nung dena liasü. Drums atemer Kerslake-a 1971 nungi 1979 tashi kasa telok nung dener khen toktsüba sülen ano 1981 nungi 2007 tashi iba kentener telok nung dena liasü.
Tenati iba telok tenzüksang Mick Box, kentener Bernie Shaw aser tang Uriah Heep nung züngsem tasentem den lungjemer Moscow Circus nung October 15, 2015 nü kenten sentong ka akatsü.
Box-i, “Uriah Heep tenzüker joko küm 45 ajunger….aser 1970s mapang onoki iba telok tenzükba sülen tangbo joko alima kanga melenshia kümogo, ajisüaka onoki yangluba kentem tang tashi tejen makümer,” ta WENN osangbenertemi dang ashi.
Tang aliba züngsem Mick Box, Phil Lanzon, Bernie Shaw, Russell Gilbrook aser Dave Rimmer nunger tesüiba mapang züngsem Ken Hensley aser Lee Kerslake na anioka Crocus Hall, Moscow, Russia nung kenten sentong akatsü.
Iba sentong ya kanga temenungratsüka asütsü aser Uriah Heep sapurtem asoshi aonung balaka asütsü.