Urvashi Rautela-i ‘Yamaha Fascino Miss Diva 2015’ takok angu

Miss Diva 2015 Urvashi Rautela (tiyongtsü) den tanabuba jenjang angur Natasha Assadi (abelen) aser tasembuba jenjang angur Naveli Deshmukh nungertem külemi agiba noksa angur.

Mumbai, October 20 (Agencies): Model-actress Urvashia Rautela nem Yamaha Fascino Miss Diva 2015 tenüng jaloktsüogo.

Uttarakhand nungi arishi küm 21 tain Urvashi-i 2013 küm Bollywood nung mezüng tetsüng ajemok aser iba mapang lai Sunny Deol-i tongti shilem agiba film “Singh Saab the Great” nung shilem agi.

Miss Universe 2015 nung lai India tenüng nung shilem agitsü. India tsür kati kasa takok korang anaben tashi angubaji Urvashi lir.

Urvashi Rautela -i 2012 nung ‘I Am She – Miss Universe India’ takok korang angu saka la arishi küm atema ashishitepa ken o adokba ajanga la dang nungi takok korang agien.

Iba tetoktepba nung Bangalore nungi Natasha Assadi-i tanabuba jenjang aser Aurangabad nungi Naveli Deshmukh-i tasembuba jenjang takok angu.

Yamaha Fascino Miss Diva 2015 atema tetendangertemji – actress Kangana Ranaut, Irrfan, Lara Dutta, Vikas Bahl aser designer duo Shantanu o Nikhil nungertem liasü.

Taoba Honibar nikongtsütsü agiba sentong anirji Cyrus Sahukar liasü aser Elli Avram den Salman Yusuf Khan aser Gurmeet Choudhary den Asha Bhat o Alankrita Sahai nungertemia shilem agia liasü.

Final jenjang atonger nem Yamaha Fascino Miss fascinating, Yamaha Fascino Miss Photogenic, Gemfields Miss Sparkling Beauty aser item mesükba tenüng aika jaloktsü.

Yamaha Fascino Miss Diva ya tan agi season tanabuba agiogo aser iba television reality series nung host ji Lara Dutta liasü.

Yamaha Fascino Miss Diva 2015 atema linük tesem balala nung nisung meyirjang ter temai tenüng agütsü. Linük nung shilem pezü lemsar audition agi aser tatembangba audition ji Mumbai yimti nung agia liasü.

Miss Diva Universe 2015 tetoktepba nung shilem agirtem.

Aileena Catherin Amon (Kochi)

Aishwarya Dhavale (Pune)

Apoorva Sharma (Jaipur)

Ankita Thite (Pune)

Hida Siddiqui (Delhi)

Himali Soni (Mumbai)

Nancy Gupta (Delhi)

Natasha Assadi (Mumbai)

Naveli Deshmukh (Aurangabad)

Pooja Bisht (Kotdwara)

Rashi Yadav (Delhi)

Shivani Jadhav (Pune)

Shivani Shetty (Mumbai)

Simran Khandelwal (Indore)