US Air Force meyong drone ka Afghanistan nung tsükok

February 21 (Agencies): Afghanistan anüolentip tsütsü aliba Kandahar airbase nung US Air Force meyong drone ka tenüng agi, American MQ-9 Reaper, tsükok, ta US Air Force-i metetdaktsü.
Ita asem tejakdanga kasa tesem nung US Air Force meyong drone ka tsükoka liasü.
Sen million 14 alang Reaper ya Honibar aonung tsükok, ta 455buba Air Expeditionary Wing nung Captain Bryan Bouchard-i sangdong ka ajanga ashiba Reuters osang ajanga metetdaktsü. Tia ka iba lendong nung shinga meyiru, ta kasa osang ajanga ashi.
445buba Expeditionary Wing yagi Afghanistan nung Bagram aser Kandahar airfields tem dena repranger.
“US Air Force ketdangsertemi iba drone tsükokba bushisüngdangtsü,” ta osang ajanga ashidang iba ya tsükchir mapabo masü ta shisem.