US Ambassador-i Angh Acharya den ajurutep

Dimapur, September 16 (TYO) : September 1, 2015 nü US Ambassador to India, Richard Rahul Verma aser Consul General of USA, Kolkata Craig L. Hall nati Raj Bhavan Guwahati nung Assam aser Nagaland Angh, P.B. Acharya den ajurutep.
Indian nunger America senso agir mezüngbuba India nung Ambassador inyaktsü shimbaji Richard Verma lir aser US Ambassador kati North East India mezüng semdangbaji pai tawa Assam semdangba ya asütsü.
Iba mapang Verma-i Angh Acharya den minute 50 shi sendaksemdang northeast nung loktiliba aser rongsenkettsüng indang onüktem lemsatep.
Acharya-i US Ambassador aser pa den arurtem nem ‘gamcha’, Naga nunger sü tabentsü nungertem sempet agütsü. Paisa Richard Verma dang Nagaland semdangi arutsü pelashishia jaok.
Senden nung Acharya-i tongtipang süa benokba onüktemji Education, Electricity aser Organic Agricultural products nungertem liasü.
Northeast nung solar energy, hydro, coal aser tanga natural resources peria lir anungji Industry tem item nung amenoker tenzüktsüla, ta Angh-isa shisem.
US Ambassador, Verma-isa Assam semdangdang Chief Minister aser pa den inyakertem, media, chamber of commerce nungertem den ajurutepa sensaksem. Tarutsü anogotem nung pai North East semdangi arutsü aser sobaliba tajung reprangtsü ta Verma-i nangzük