US Ambassador-i Meghalaya semdangtsü aliba athi

Guwahati, February 28 (Agencies): India aser Pakistan tsüngda mepetmesü adokba agi US Ambassador to India, Kenneth I. Juster-i anogo asemnü atema Assam aser Meghalaya semdangi arua liasü pa New Delhi-i meyipa ao.
Ambassador Juster-i tongtipang mapa kar atema New Delhi-i meyipa ao ta US Embassy ketdangsertemi onok dang ashi, ta Meghalaya sorkar ketdangsertemi ashi.
US Ambassador Juster-i Assam Governor, Jagdish Mukhi den ajurutepli, yaknanü nikongtsütsü Guwahati nungi New Delhi-i apusoa ao ta Assam sorkar ketdangsertemi ashi.
Ambassador Juster-i Bodbarnep Shillong-i aotsüba liasü. Iba mapang pai Barapani nung North East Police Academy (NEPA) aser tourist tesem kar semdangtsüba sentong liasü.
Brihostibarnü Ambassador Juster-i Meghalaya Governor Tathagata Roy aser Chief Minister Conrad K. Sangma na den ajuruteptsü liasü. Ajisüaka, pa melena US Consul-General, Patti Hoffman-i Meghalaya semdangtsü.