US asalentong atema tajungtibaji India: Pentagon

Washington/New Delhi, Metsüremi 16 (Agencies): US atema asalentong maongka tajungtibaji India lir, aser India o US tsüngda security tesendaktep tashi itshitsü atema New Delhi-i lenmang lapokja lir, ta Pentagon nungi tongti commander kati metetdaktsü.
Commander of the US Pacific Command, Admiral Harry Harris-i Senate Armed Services Committee züngsemtem dang, India, US, Japan aser Australia dena aliba Quad yagi Indo-Pacific region nung tayongzükba balala atema shisalemsatepa inyaktettsü, ta ashi.
Harris-i, US aser India na ya yimtenren, rongsenkettsüng aser security onüktem nung partners lir, ta ashi.
“US asalentong atema maongka tajungtibaji India lir, ta ni bilemer. Linük ana tsüngda shisa lemsateper, külem tebilemtsü onüktem lemsateper aser Indo-Pacific region nung külemi inyaker,” ta Harris-i ashi.
Alima nung yimjung alitsü nükjidong nung US aser India nati maritime security, piracy anema, kiralongra anema inyaker, meimchir atema temeim mapa inyaker aser alima tzü mopung lendongtsüdong aser alima linüktem nungi amokmeren anema külemi inyaker, ta paisa metetdaktsü.