US Astronaut, Mitchell Florida nung asü

edgar_20160206.jpgWashington, February 06 (Agencies): US nunger anünglak senzür, Edgar Mitchell arishi küm 85 tain lia US kübok Florida nung tan Brehostibar aonung asüba osang ka metetdaktsüogo.
“Mitchell mapang tatsüka shiranga Florida kübok West Palm Beach nung tentetba mozükidang tanteptsü bushia amongba sülen pa tan Brehostibar aonung asü,” ta par kinüngertemi tanü, Honibar nü metetdaktsü.
US-i ita tonga yokba anünglak tayimtsü, Apollo 14 nung mener ita tonga atuba sülen meimchir rong nung ita nung tetsüng ajemoka jajar nisung 12 buba akümsang, Mitchell-i US sorkari tentetba National Aeronautics & Space Administration (NASA) nung 1966 küm densem.
Pa NASA nung inyakdang 1969 küm ita tonga atuba anünglak tayimtsü yanglua kasaji tendangba maparen nung tongti shilem agia liasü.
Tesülen, 1971 nung anünglak tonga atur mezüngbuba US senso, Alan Shepard den aroki Apollo 14 nung Mitchell-i ita tonga atu.

You must be logged in to post a comment Login